San Roman Zelaartekoa

Eraikin erlijiosoa, 1556
Aginaga auzoa, 21

Deskribapena

San Roman Zelaartekoaren ermita Aginaga auzoan dago kokatuta, Izuako bidegurutzetik kilometro batera eta itsasotik 475 metroko altuerara. Nahiz eta dokumentu ofizialetan lehenengo aldiz XVI. mendean aipatu, badakigu zaharragoa dela Aginagako elizaren aurrekoa delako.

Alboko San Roman baserria, serora-etxe bezela eraikia izan zen eta gaur egun ere baserrikoek egiten dituzte sakristau eta serora lanak.

Jaiak, Santa Ageda egunaren hurrengo igandean ospatzen ziren. Erromeria, bolatokia, taberna, soinu-jotzaileak... egoten ziren.