Taller Otaola 30

Eraikin industriala, 1969 (Miguel Ángel Lazpita Barrenechea )
Otaola 30

Deskribapena

Tailer hau Juan Isasi Martinek eraiki zuen, zeinak Ubitxan tailer mekaniko bat zeukan. 1968ko urtarrilean, handitzeko asmoz, Otaolako lurretan lantegi berria eraikitzeko eskabidea egin zuen, Miguel Angel Lazpita Barrenechea arkitektoaren proiektuaren arabera. Konposizio xumea da eta apaingarririk gabea. Denborarekin, Meydeco enpresak hartu zuen haren lekua; izena jardueratik beretik datorkio, “mecanizado y decoletaje”. Jarduera nagusia buloiak eta torlojugintzako produktuak fabrikatzea da. Gaur egun eraikina nahiko egoera onean dago eta industria-erabilerari eusten dio.

Airetik

Planoa

Tailer hau Juan Isasi Martinek eraiki zuen;  aurretik Ubitxan tailer mekaniko bat zeukan (industria-matrikulen arabera). 1968ko urtarrilean, handitzeko asmoz, Otaolako lurretan lantegi berria eraikitzeko eskabidea egin zuen, Miguel Angel Lazpita Barrenechea arkitektoaren proiektuaren arabera [6938.18].

Lursailak mugakide zituen errepide nagusia eta Ego ibaia; proiektuak aurreikusten zuen sotoko solairua, beheko solairua, bi solairu, eta, teilatuan, arduradunarentzako etxebizitza bat izatea. Udal arkitektoak eta Obra Batzorde Probintzialak aztertu ondoren, eraikitako bolumena handiegia zela ohartarazi zuten; horregatik, arkitektoak, bolumen hori ez gainditzeko, solairu bakoitzeko altuera libreak aldatu zituen.

Eraikuntza 1968ko martxoan baimendu zen, eta, orokorrean, diseinu horren gidalerroei jarraituz eraiki zen. 1968ko uztailean, eraikuntza-fasean, Udalari jakinarazi zitzaion karga-jasogailuaren kokapena aldatu nahi zela, erabilerari hobeto egokitzeko, eta, baimendu egin ziren obrak [6938.19].

Merkataritza-erregistroaren arabera, Juan Isasi SA enpresa 1981ean agertzen da erregistroetan, bere jarduna izanik burdina pieza (torlojugintza) bihurtzea.

Dena den, Meydeco enpresak hartu zuen haren lekua; izena jardueratik beretik datorkio, “mecanizado y decoletaje”. Jarduera nagusia buloiak eta torlojugintzako produktuak fabrikatzea da.

Gaur egun eraikina nahiko egoera onean dago eta industria-erabilerari eusten dio.