Laspiur S.A.

Eraikin industriala, 1953 (Joaquín Domínguez Elosegui )
Bidebarrieta 23 - 25

Deskribapena

Eraikin hau bi industria-gizonek sustatu zuten, beren tailerrak Ibarkurutze kale ostean zituztenak (Adrián Laspiur eta Sarasqueta familia). Enpresa hazi ahala, bi industrialariek Bidebarrieta kalean ibaiaz bestaldean zeuden bi partzela eskuratu eta beren industriak zabaltzeko asmoz ibaia estalita tailerrak handitu zituzten, 1953 aldera. Eraikina bi enpresek partekatu zuten; Sarasqueta arma- eta eskopeta-ekoizle izan zen. Laspiur enpresa hainbat tresna egitera dedikatu zen, nagusiki kargak jasotzeko elementuak (kakoak, poleak…). Laspiur leku horretan egon zen jardunean 2.000 urtera arte. Azpimarratu behar da edukiontzi handi bat dela, bolumen eta azalera handikoa.

Airetik

Planoa

Kokapena

Eraikina Rialto Antzokiaren aldamenean dago, Arikitzako zubiaren ondoan —lehenago San Martingo zubia— , han zeuden presa eta labaderotik gertu.

Zati handi batean Ego ibaiaren gainean dago. Kokapen hori Udalak berak ezarri zuen, Bidebarrietan ibaiaren ondoko lursailak enkantean jarri baitzituen, haren gainean eraikitzeko baldintzapean. Partzela horiek Ibarkurutze kale osteko tailerren jabeek (Laspiur eta Sarasqueta) erosi zituzten eta eraikina jaso.

Bolumetria

Bolumen handi bat da, haren azalerari ahalik eta etekin handiena ateratzeko. Nabarmentzekoa da fatxadaren errematea, bi alboetan terraza duela, fatxadak estalki laua balitz bezala koroatuz. Hala ere, bi isuriko teilatua dago atikoa estaltzen duena.

Funtzionamendua

Bi enpresak partekatutako eraikina. Beheko solairua eta lehenengoa erditik banatuta zeuden, eta Ibarkurutzeko atzealdean zeuden jatorrizko tailerrekin lotuta. Gainontzeko solairuak bakoitza enpresa batena zen. Eskailera-kaxa bat dago karga-jasogailuarekin solairu guztiak lotzen dituena.

Sarbideak

Sarbidea Bidebarrieta kaletik zen. Ezinezkoa zen kamioi handiekin sartzea. Arazoak sortzen ziren erdigunean baitzegoen. Bulegoen eta jatorrizko tailerren sarbidea Ibarkurutzetik egiten zen.